Fituesja e edicionit të tretë të “Big Brother VIP Albania”, Egla Ceno, ka zhvilluar një bashkëbisedim me ndjekësit e saj në Instagram, ku ka ndarë mendimet e saj mbi zhvillimet e fundit në shtëpinë më të famshme të momentit. Ndër temat më të diskutuara ishin marrëdhënia mes Egli Harxhit dhe Gjestit, si dhe krahasimet me çiftet e mëparshme të krijuara në këtë format.
Një ndjekës e pyeti Eglën për qëndrimin e saj ndaj Gjestit, duke e cilësuar atë si një mashtrues dhe narcist për faktin që ka pasur lidhje me tre vajza brenda tre muajve të qëndrimit në BBVIP.
Egla e ka krahasuar situatën aktuale me marrëdhënien e krijuar mes Luiz Ejllit dhe Kiara Titos gjatë edicionit të kaluar të “Big Brother VIP”, duke vënë në dukje se mënyra se si një mashkull sillet në një raport mund të ndikojë në perceptimin e publikut.
“Kohët kanë ndryshuar dhe duket sikur ndjenjat nuk kanë më të njëjtën peshë si dikur. Megjithatë, ka ende meshkuj që kur e dinë çfarë duan, e tregojnë qartë, siç bëri Luizi me Kiarën. Ai e vlerësoi dhe e lartësoi Kiarën në sytë e publikut, dhe kjo e bëri atë një figurë edhe më të dashur,” u shpreh Egla.
Ky koment i Eglës ka ngjallur reagime të shumta në rrjet, me fansat e BBVIP që vijojnë të ndjekin nga afër çdo zhvillim brenda shtëpisë. Ndërkohë, mbetet për t’u parë se si do të evoluojë dinamika mes Gjestit dhe Egli Harxhit në vazhdim.
